• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارتی مداح وی پی این لگا کر اپنے پسندیدہ اداکار فرحان سعید کو دیکھنے لگ گئے


پاکستانی ڈرامہ و میوزک انڈسٹری کے سپر اسٹار فرحان سعید نے سوشل میڈیا پر پاکستانی فنکاروں کی شہرت سے ڈرنے والی بھارتی حکومت کو کرارا جواب دیا ہے۔

اداکار و گلوکار نے سوشل میڈیا پر چند اسٹوریز شیئر کیں۔ ان اسٹوریز میں سے ایک میں فرحان سعید کا بھارتی مداح اپنی ہی حکومت پر طنز کرتے ہوئے  وی پی این لگا کر اداکار کا انسٹاگرام اکاؤنٹ دیکھنے پر ڈانس کر رہا ہے۔

اسکرین شاٹ
اسکرین شاٹ

دوسری جانب اداکار نے ایک اسٹوری شیئر کرتے ہوئے بتایا کہ بھارت میں ان کے مداح ہر ممکن کوشش کر کے ان کے ڈرامے دیکھنے میں مصروف ہیں۔

ایسے میں فرحان سعید نے خود بھی اپنے انسٹاگرام پر بھارتی حکومت کو آڑے ہاتھوں لے لیا۔

فرحان سعید نے بھارت میں پاکستانی ڈراموں اور فنکاروں کے اکاؤنٹس پر پابندی کا ذکر کرتے ہوئے کہا کہ جنگ سے بات شروع ہو کر بلاک کرنے تک آ گئی ہے۔

اسکرین شاٹ
اسکرین شاٹ 

انہوں نے ’آپ کا نقصان‘ (یوور لاس) کا ہیش ٹیگ استعمال کرتے ہوئے مزید لکھا، ’بھارتی مداحوں کےلیے محبت جو ان پابندیوں کا شکار ہیں، میں دعا کرتا ہوں کہ عقل غالب آ جائے اور آپ سب اپنے پسندیدہ فنکاروں کو ایک بار پھر سے دیکھ سکیں۔‘

یاد رہے کہ حال ہی میں بھارتی حکومت نے 22 اپریل کو مقبوضہ جموں و کشمیر کے سیاحتی مقام پہلگام میں سیاحوں پر ہونے والے حملے کو جواز بنا کر 16 پاکستانی یوٹیوب چینلز بند کردیے تھے جس میں جیو نیوز سمیت دیگر نجی نیوز چینلز بھی شامل تھے۔

بعدازاں جیو انٹرٹینمنٹ سمیت مختلف انٹرٹینمنٹ و یوٹیوب چینلز بھی بند کر دیے گئے۔

بھارت میں یوٹیوب پر پاکستانی انٹرٹینمنٹ چینلز کی بندش کے حوالے سے کوئی باضابطہ اعلانیہ جاری نہیں ہوا، اس کے ساتھ ہی بھارت نے مختلف پاکستانی فنکاروں کے انسٹاگرام اکاؤنٹس بھی بند کر کے مداحوں کی ان تک رسائی بھی روک دی ہے۔

انٹرٹینمنٹ سے مزید