فرمان الہی
نماز کے اوقات
چاکلیٹ کے صحت پر مفید اثرات کی نشاندہی کئی سائنسی تحقیقات میں کی گئی ہے۔
چاکلیٹ میں پلانٹ سٹیرولز، فلیوونائڈز اور طاقتور اینٹی آکسیڈنٹس موجود ہوتے ہیں جو کہ انسان کی صحت کے لیے مفید ہیں۔
تحقیق کے مطابق چاکلیٹ الزائمر کے مریضوں کے اعصاب کو پہنچنے والے نقصان کو کم کرکے ان کے دماغی کارکردگی کو بہتر بنا سکتی ہے۔
ایک اور تحقیق میں بتایا گیا کہ ہفتے میں کم از کم ایک بار چاکلیٹ کھانے سے علمی اور فکری افعال میں بہتری آتی ہے۔
تحقیق کے مطابق فلیوونائڈز سے بھرپور چاکلیٹ دماغ میں خون کے بہاؤ کو بڑھاتی ہے اور اس میں کیفین اور تھیوبرومین جیسے قدرتی محرکات بھی موجود ہوتے ہیں جو مختصر مدت میں دماغی کارکردگی کو بڑھا سکتے ہیں۔
کینیڈا میں ہونے والی تحقیق سے پتہ چلا کہ چاکلیٹ کھانے والے افراد میں فالج کا خطرہ 22 فیصد کم ہوتا ہے۔
اس کے علاوہ جو لوگ ایک ہفتے میں تقریباً 57 گرام چاکلیٹ کھاتے ہیں ان میں فالج سے موت کا خطرہ 46 فیصد کم ہو جاتا ہے۔
چاکلیٹ جلد کو سورج کی خطرناک شعاعوں سے بچانے میں بھی مدد دے سکتی ہے کیونکہ یہ جلد میں خون کے بہاؤ کو بہتر بناتی ہے جس کی وجہ سے جلد سورج کی شعاوعوں سے پہنچنے والے نقصان سے محفوظ رہتی ہے۔
اس کی وجہ شاید یہ ہے کہ ڈارک چاکلیٹ انسان کے دماغ کے اس حصے کو فعال کرتی ہے جو خوشی کے ساتھ منسلک ہے۔
