فرمان الہی
نماز کے اوقات
بھارتی ریاست مدھیہ پردیش میں حاملہ خواتین نے سڑک بنوانے کے لیے سوشل میڈیا کا سہارا لے لیا۔
مدھیہ پردیش کے ضلع سدھی کے گاؤں کھدی میں سڑک نہ ہونے کے باعث حاملہ خواتین کو کیچڑ اور ناہموار راستوں سے کندھوں پر اٹھا کر اسپتال لے جانا پڑتا ہے، حکام کی بے حسی اس درد کو مزید بڑھا دیتی ہے۔
سوشل میڈیا انفلوئنسر لیلا ساہو نے گاؤں میں سڑک نہ ہونے کا معاملہ اٹھا دیا، جس نے سیاستدانوں کو ہلا کر رکھ دیا ہے۔
لیلا ساہو نے 2023ء میں ایک ویڈیو جاری کی جس میں انہوں نے بھارتی وزیر اعظم نریندر مودی اور دیگر رہنماؤں سے سوال کیا کہ مدھیہ پردیش کی تمام 29 سیٹیں آپ کو دلا دی گئیں، کیا اب ہمیں ایک سڑک مل سکتی ہے؟
خاتون کی ویڈیو وائرل ہونے کے بعد مقامی انتظامیہ جن میں ضلع کے کلکٹر اور پارلیمنٹ کے رکن شامل ہیں انہوں نے ان خاتون کو یقین دہانی کروائی کہ سڑک کی تعمیر جلد شروع ہو گی، مگر ایک سال گزرنے کے باوجود بھی نہ تو سڑک بنی، نہ ہی ترقی کی کوئی جھلک دکھائی دی، جبکہ خواتین کی ڈیلیوری کی تاریخ بھی قریب آ گئی۔
بھارتیہ جنتا پارٹی (بی جی پی) کے ایک رکن راجیش مشرا نے خاتون کے مطالبے کا مذاق اڑاتے ہوئے کہا تھا کہ ہر ڈیلیوری کی ایک تاریخ ہوتی ہے، ہم سڑک ایک ہفتہ پہلے ہی بنوا لیں گے۔
دوسری جانب لیلا ساہو سمیت دیگر خواتین کی ڈیلیوری ڈیٹس قریب آ رہی ہیں اور وہ اب بھی سڑک کے بجائے کیچڑ سے گزرنے پر مجبور ہیں۔
