فرمان الہی
نماز کے اوقات
صوبۂ بلوچستان میں غیرت کے نام پر قتل کیے جانے کا سلسلہ تھم نہ سکا، صوبے میں گزشتہ چھ برسوں کے دوران 212 مرد و خواتین کو غیرت کے نام پر قتل کر دیا گیا۔
حقوق نسواں کےلیے کام کرنے والی ایک غیر سرکاری تنظیم کی رپورٹ کے مطابق بلوچستان میں غیرت کے نام پر قتل کا سلسلہ بدستور جاری ہے۔
رپورٹ کے اعداد و شمار کے مطابق بلوچستان میں 2019ء میں 52، 2020ء میں 51، 2021ء میں 24، 2022ء میں 28، 2023 میں 24 اور 2024ء میں 33 افراد کو غیرت کے نام پر قتل کیا گیا۔
اسی طرح پچھلے 6 برسوں کے دوران صوبے میں 212 مرد و خواتین غیرت کے نام پر بھینٹ چڑھ گئے۔
رپورٹ کے مطابق گزشتہ سال غیرت کے نام قتل کیے گئے 33 افراد میں 19 خواتین اور 14 مرد شامل تھے۔
گزشتہ 6 برسوں میں بلوچستان کے ضلع نصیر آباد میں سب سے زیادہ 73 افراد کو غیرت کے نام پر قتل کیا گیا، مستونگ میں 18 اور کوئٹہ میں 11 افراد مارے گئے۔
