فرمان الہی
نماز کے اوقات
گوگل میپ کی غلط رہنمائی کے باعث ایک خاتون اپنی گاڑی سمیت ندی میں جا گری۔
بھارتی میڈیا رپورٹس کے مطابق واقعہ ممبئی کے علاقے بیلابور میں پیش آیا، گوگل میپ خاتون کو بیلابور کے بے برج (Bay Bridge) پر چڑھانے کے بجائے اس کے نیچے کی طرف دھرووتارا جیٹی (Dhruvatara Jetty) کے قریب لے گیا۔
خاتون راستے سے ناواقف تھیں، گوگل میپ پر دی گئی ہدایات پر عمل کرتی رہیں یہاں تک کہ ان کی گاڑی ندی میں جا گری، خوش قسمتی سے قریب موجود سیکیورٹی اہلکاروں نے فوری طور پر امدادی کارروائی کرتے ہوئے خاتون کو زخمی حالت میں باہر نکالا، بعد ازاں کرین کی مدد سے گاڑی کو پانی سے نکالا گیا۔
سوشل میڈیا پر وائرل ویڈیوز میں دیکھا جا سکتا ہے کہ سفید رنگ کی گاڑی کو کس طرح کرین سے باہر نکالا جا رہا ہے۔
یہ پہلا موقع نہیں ہے کہ گوگل میپ کی غلط رہنمائی کسی حادثے کا باعث بنی ہو۔
اس سے قبل 2024ء میں بھارت کی ریاست اتر پردیش میں بھی ایک افسوسناک واقعہ پیش آیا تھا جہاں تین افراد اپنی جانیں گنوا بیٹھے تھے جب ان کی گاڑی گوگل میپ کی ہدایت پر ایک ٹوٹے ہوئے پل پر چڑھ گئی اور رام گنگا دریا میں جا گری۔
ماہرین نے خبردار کیا ہے کہ اگرچہ ڈیجیٹل نیویگیشن سسٹمز سفر کو سہل بناتے ہیں لیکن ان پر اندھا اعتماد خطرناک ہو سکتا ہے۔
