فرمان الہی
نماز کے اوقات
روس کے مشرقی ساحلی علاقے کامچاٹکا میں 8.8 شدت کا طاقتور زلزلہ آیا ہے جس کے بعد بحرالکاہل کے کئی ممالک میں سونامی کا خطرہ پیدا ہو گیا ہے، جن میں جاپان، ہوائی، گوام، فلیپائن اور مائیکرونیشیا شامل ہیں۔
سونامی وارننگ سینٹر نے جاپان کے شمالی و مشرقی ساحلی علاقوں میں فوری وارننگ جاری کر دی ہے۔
جاپان کی حکومت نے ہوکائیدو، چیبا اور فوکوشیما سمیت 21 ساحلی علاقوں میں ہنگامی حالت نافذ کر دی ہے اور تقریباً 19 لاکھ افراد کو محفوظ مقامات پر منتقل ہونے کی ہدایت کی گئی ہے۔
جاپانی میٹ آفس کے مطابق ہوکائیدو کے ساحل پر 40 سینٹی میٹر بلند ابتدائی سونامی لہر دیکھی گئی ہے جبکہ 3 میٹر تک بلند لہروں کا خطرہ اب بھی موجود ہے۔
روس میں آنے والے زلزلے کے جھٹکے جاپان کے مختلف حصوں میں بھی محسوس کیے گئے، تاہم اب تک کسی جانی نقصان کی اطلاع موصول نہیں ہوئی۔ فوکوشیما جوہری پاور پلانٹ کے نزدیک آباد لوگوں کو احتیاطی تدابیر کے طور پر علاقے سے نکال لیا گیا ہے، جبکہ پلانٹ میں کسی خرابی کی تصدیق نہیں ہوئی۔
ادھر چیبا کے ساحل پر چار بڑی وہیلز مردہ حالت میں پائی گئی ہیں، جس سے سونامی سے قبل ماحولیاتی بے ترتیبی کے خدشات جنم لے رہے ہیں۔
جاپانی وزیراعظم نے ہنگامی اجلاس طلب کر کے ریسکیو اداروں کو مکمل الرٹ کر دیا ہے، جبکہ شہریوں سے کہا گیا ہے کہ وہ افواہوں سے بچیں اور صرف سرکاری ہدایات پر عمل کریں۔
