فرمان الہی
نماز کے اوقات
بھارتی ریاست تلنگانہ میں آٹھویں جماعت کی طالبہ کی 40 سالہ شخص سے شادی کردی گئی۔
بھارتی میڈیا کے مطابق تلنگانہ کے ضلع نندی گاما میں ایک 13 سالہ آٹھویں جماعت کی طالبہ کی 40 سالہ شخص سے شادی کا انکشاف ہوا ہے۔
کم عمر طالبہ کی شادی کا یہ واقعہ بھارت میں حیدرآباد سے 55 کلومیٹر دور پیش آیا، جہاں ایک استاد کی جانب سے پولیس کو اطلاع دی گئی کہ اس کی طالبہ کی غیر قانونی طور پر شادی کی جارہی ہے۔
جس پر پولیس نے فوری طور پر کارروائی کرتے ہوئے دلہا، اس کی بیوی اور شادی کی رسم ادا کرنے والے پنڈٹ اور ایک فرد کے خلاف مقدمہ درج کرلیا۔
پولیس کو موصول ہونے والی ویڈیوز میں لڑکی کو ہار لیے 40 سالہ مرد کے ساتھ کھڑے دیکھا جا سکتا ہے، جبکہ اس کے ساتھ ایک خاتون جسے دلہے کی بیوی سمجھا جا رہا ہے اور ایک پنڈت بھی موجود ہے۔
خیال رہے کہ بھارت میں بھی چائلڈ میرج جرم ہے، مگر پھر بھی اکثر اس طرح کے واقعات سامنے آتے رہتے ہیں۔
