فرمان الہی
نماز کے اوقات
گلاسگو میں شوٹنگ کے دوران اسپائیڈر مین کا کردار ادا کرنے والے مشہور اداکار ٹام ہالینڈ کے خطرناک اسٹنٹس دیکھ کر مداح دنگ رہ گئے۔
مارول کی آنے والی سپر ہیرو فلم ’اسپائیڈر مین: برانڈ نیو ڈے‘ کی شوٹنگ کے دوران گلاسگو کے وسط میں لوگوں کا جمِ غفیر امڈ آیا، جہاں معروف کردار اسپائیڈر مین نے شاندار اور خطرناک اسٹنٹس کا مظاہرہ کیا۔
اسپائیڈر مین کا کردار ایک بار پھر اداکار ٹام ہالینڈ ادا کر رہے ہیں، سوشل میڈیا پر وائرل ویڈیوز میں ان کو گلاسگو سٹی سینٹر میں جھولتے، بلند عمارتوں سے لٹکتے اور سڑک کے دونوں جانب جھولتے ہوئے دیکھا گیا۔
فلم کی شوٹنگ کے دوران اسپائیڈر مین کی ایک جھلک دیکھنے کے لیے ہر سمت سے لوگ بند سڑکوں کے کناروں پر جمع ہوگئے۔ شائقین کا کہنا تھا کہ وہ مایوس نہیں ہوئے، کیونکہ ان کے ہیرو نے واقعی جان خطرے میں ڈال کر اسٹنٹس کیے۔
فلم ’اسپائیڈر مین: برانڈ نیو ڈے‘ معروف ہدایت کار ڈیسٹن ڈینیئل کریٹن کی ہدایت میں بن رہی ہے، جو پچھلی فلم نو وے ہوم کے ڈرامائی انجام کے بعد کہانی کو آگے بڑھاتی ہے۔
اب نئی قسط میں اسپائیڈر مین ایک بار پھر اپنی جان ہتھیلی پر رکھ کر دنیا کو بچاتے نظر آئیں گے۔
