فرمان الہی
نماز کے اوقات
پاکستان اور امریکا کے درمیان دو طرفہ تجارتی حجم میں 16 فیصد اضافہ ریکارڈ کیا گیا، ایک سال میں امریکا کے ساتھ پاکستان کا تجارتی سرپلس 4 ارب ڈالر سے زائد رہا۔
ادارہ شماریات کے مطابق گزشتہ مالی سال پاک امریکا دوطرفہ تجارتی حجم 7 ارب 59 کروڑ 80 لاکھ ڈالر رہا، پاکستان نے ایک سال میں امریکا کو 5 ارب 83 کروڑ ڈالر کی برآمدات کیں، گزشتہ مالی سال پاکستان کی امریکا کو برآمدات میں 10فیصد اضافہ ہوا۔
دستاویز میں کہا گیا ہے کہ امریکا کی پاکستان کو درآمدات کا حجم ایک ارب 76 کروڑ 30 لاکھ ڈالر رہا، پاکستان کی امریکا سے درآمدات میں گزشتہ سال 40 فیصد اضافہ ہوا۔
بستر، میز، ٹوائلٹ اور کچن چادروں کی برآمدات کا حجم 1.038 ارب ڈالر رہا، امریکا کو مردانہ سوٹ، جیکٹ اور ٹراؤزر کی برآمدات 936 ملین ڈالر رہیں، پاکستان نے امریکا کو 36 کروڑ 10 ڈالر کی ٹی شرٹس کی برآمدات کیں، امریکا کو جرسیوں اور پل اوورز کی برآمدات 31 کروڑ 20 لاکھ ڈالر رہیں۔
ادارہ شماریات کے مطابق امریکا کو چمڑے کی مصنوعات کی برآمدات 16 کروڑ 50 لاکھ ڈالر رہیں، پاکستان نے امریکا کو خواتین کے ملبوسات کی 15 کروڑ 70 ڈالر کی برآمدات کیں، پاکستان نے امریکا سے سب سے زیادہ 39 کروڑ 30 لاکھ ڈالر کی روئی درآمد کی۔
دستاویز میں کہا گیا ہے کہ امریکا سے لوہے اور اسٹیل کے اسکریپ کی تقریباً 16کروڑ ڈالر کی درآمدات کی گئیں، امریکا سے 13 کروڑ 70 لاکھ ڈالر کی سویابین، 5 کروڑ 60 لاکھ ڈالر کا کوئلہ درآمد کیا گیا۔
ادارہ شماریات کے مطابق کمپیوٹر مشینز کی 4 کروڑ، پیٹرولیم آئل کی 3 کروڑ 80 لاکھ ڈالر کی درآمدات ہوئیں، پاکستان نے امریکا سے 3 کروڑ 60 لاکھ ڈالر کے الیکٹرو میڈیکل آلات درآمد کیے، امریکا سے خشک میوہ جات کی درآمدات کا حجم 3 کروڑ 30 لاکھ ڈالر رہا۔
