فرمان الہی
نماز کے اوقات
غزہ سٹی پر اسرائیلی حملے میں قطری نیوز چینل الجزیرہ کا صحافی انس الشریف اپنے ساتھیوں سمیت شہید ہوگیا۔
غزہ کے الشفاء اسپتال کے ڈائریکٹر کا کہنا ہے کہ الجزیرہ کے صحافی انس الشریف اپنے 4 ساتھیوں کے ساتھ اسرائیلی ٹارگٹڈ حملے میں شہید ہوئے۔
الجزیرہ نیوز چینل کے مطابق 28 سالہ صحافی انس الشریف اس وقت شہید ہوا جب اسپتال کے مرکزی دروازے پر صحافیوں کے لیے لگائے گئے ایک خیمے کو اسرائیلی فوج نے نشانہ بنایا۔
رپورٹس کے مطابق حملے میں الجزیرہ کے نمائندے محمد قریقیہ، کیمرامین ابراہیم ظاہر اور محمد نوفل بھی شہید ہوئے ہیں۔
دوسری جانب اسرائیلی فوج نے الزام لگایا ہے کہ انس الشریف حماس سیل کے سربراہ تھے اور اسرائیل پر راکٹ حملوں کے ذمے دار تھے۔
واضح رہے کہ اسرائیلی فوج کی غزہ پر بمباری سے اب تک 200 سے زائد صحافی اور میڈیا کارکنان شہید ہوچکے ہیں ۔
