فرمان الہی
نماز کے اوقات
بھارتی ریاست مہاراشٹر کے شہر ناگپور میں ٹرک کی ٹکر سے مرنے والی خاتون کا شوہر اس کی لاش لوگوں کی بے حسی کے باعث موٹر سائیکل پر باندھ کر لے جانے پر مجبور ہوگیا۔
بھارتی میڈیا کے مطابق ناگپور میں 35 سالہ امیت یادو اپنی بیوی گیارسی کے ساتھ 9 اگست کو ناگپور کے علاقے لونارا سے کرنپور جا رہا تھا کہ راستے میں مورپھٹا کے قریب ایک تیز رفتار ٹرک نے موٹر سائیکل کو ٹکر ماری، جس سے گیارسی سڑک پر گر گئی۔
حادثے کے باوجود ٹرک ڈرائیور رکا نہیں بلکہ خاتون کو روند کر فرار ہو گیا۔ اس کے بعد امیت یادو نے راہگیروں سے مدد کی اپیل کی، مگر اس کی مدد کیلئے کوئی بھی نہیں رکا، بالآخر وہ بیوی کی لاش کو موٹر سائیکل سے باندھ کر گاؤں لے جانے پر مجبور ہوگیا۔
راستے میں پولیس نے اسے روک کر لاش کو اندرا گاندھی میڈیکل کالج، ناگپور منتقل کیا اور حادثاتی موت کا مقدمہ درج کر لیا، پوسٹ مارٹم رپورٹ کے بعد مزید کارروائی کی جائے گی۔
