فرمان الہی
نماز کے اوقات
پاکستان تحریکِ انصاف (پی ٹی آئی) سندھ کے صدر حلیم عادل شیخ کا کہنا ہے کہ بانیٔ پی ٹی آئی کو 735 دن سے غیر قانونی قیدِ تنہائی میں رکھا گیا۔
حلیم عادل شیخ نے اپنے بیان میں کہا کہ جیل کے سیل میں ناقابلِ برداشت حالات عمران خان پر مسلط ہیں، تمام سہولتیں واپس لے لی گئیں اور سخت مشکلات کا سامنا ہے۔
اُنہوں نے کہا کہ بانیٔ پی ٹی آئی کی بہن علیمہ خان تک کو ملاقات سے روک دینا افسوسناک ہے۔
پی ٹی آئی رہنما نے مزید کہا کہ وکلاء، اہل خانہ اور ڈاکٹرز سے ملاقات میں مسلسل رکاوٹیں قابلِ مذمت ہیں۔
اُنہوں نے کہا کہ پنجاب حکومت عمران خان کی صحت اور زندگی کی ذمے دار ہے۔
حلیم عادل شیخ نے یہ بھی کہا کہ توشہ خانہ 2 کیس کا خفیہ ٹرائل غیر قانونی اور غیر شفاف ہے۔
