فرمان الہی
نماز کے اوقات
امریکی اضافی ٹیرف کے خطرے کے پیشِ نظر بھارتی وزیرِ اعظم نریندر مودی نے ملک کی خود انحصاری کے اعلانات کر دیے۔
بھارتی وزیرِاعظم نریندر مودی نے گزشتہ روز امریکی مہم جوئی کا سخت جواب دینے کی گیدڑ بھبکی دیتے ہوئے کہا کہ ’خون اور پانی ساتھ نہیں بہہ سکتے۔‘
بھارتی وزیر اعظم نریندر مودی نے یومِ آزادی پر لال قلعے میں خطاب کرتے ہوئے مزید کہا کہ کسانوں کے مفادات کے تحفظ کا وعدہ کرتے ہیں۔
انہوں نے اس بات پر بھی زور دیا کہ بھارت کو عالمی معاشی خود غرضی کے ماحول میں اپنی طاقت پر انحصار کرنا ہوگا۔
مودی نے توانائی میں خود انحصاری، دفاعی نظام کی مقامی تیاری اور قومی مفادات کے مضبوط دفاع کا وعدہ بھی کیا۔
ان کا مزید کہنا تھا کہ خود انحصاری ترقی یافتہ بھارت کی بنیاد ہے اور ملک کو سیمی کنڈکٹر چپس، لڑاکا طیاروں کے انجن، فوجی ساز و سامان، اسپیس اسٹیشن اور آئندہ دہائی میں دفاعی شیلڈ بنانے پر کام کرنا ہوگا۔
واضح رہے کہ مودی کا یہ بیان ایسے وقت میں سامنے آیا کہ جب امریکا نے روسی تیل کی خریداری بند نہ کرنے پر بھارت کو 27 اگست سے درآمدی ٹیرف 25 سے 50 فیصد تک بڑھانے کی دھمکی دی ہے۔
