• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، 550 فیڈر پر بجلی کی فراہمی معطل، شہری بلبلا اُٹھے

تازہ ترین
قومی خبریں
20 اگست ، 2025
کراچی، 550 فیڈر پر بجلی کی فراہمی معطل، شہری بلبلا اُٹھے

کراچی کے550 فیڈر پر بجلی کی فراہمی معطل، کئی علاقوں میں 16 گھنٹے سے بجلی بند ہونے کے سبب شہری گرمی اور حبس سے بلبلا اٹھے۔ 

ترجمان کے الیکٹرک کا کہنا ہے کہ موسلادھار بارش کے باعث شہر میں شاہراہیں زیر آب ہیں۔

کراچی میں بارش نے تباہی مچادی، حادثات میں 10اموات، آج عام تعطیل

کراچی میں بارش نے تباہی مچادی، رات بھر مختلف علاقوں میں وقفے وقفے سے بارش کا سلسلہ جاری رہا، مختلف حادثات میں 10 افراد کی اموات، شہر میں آج عام تعطیل کا اعلان کیا گیا ہے۔

کے ای حکام کا کہنا ہے کہ شہر میں ایندھن کی سپلائی بند ہونے سے بھی کے الیکٹرک کی گاڑیوں کی آمدورفت متاثر ہورہی ہے۔

دوسری جانب علاقہ مکینوں کا کہنا ہے کہ بارش رکے ہوئے کئی گھنٹے ہوگئے تاہم عملہ فالٹ دور کرنے نہیں پہنچا۔

شہر میں انٹرنیٹ اور موبائل فون سروس بھی متاثر ہے۔

قومی خبریں سے مزید