فرمان الہی
نماز کے اوقات
نیشنل ڈیزاسٹر مینجمنٹ اتھارٹی (این ڈی ایم اے) نے ملک میں بارشوں کے نئے اسپیل اور ممکنہ سیلابی صورت پر الرٹ جاری کردیا ہے۔
این ڈی ایم اے نے الرٹ میں 23 تا 30 اگست تک ملک کے مختلف علاقوں میں ممکنہ موسمیاتی صورتحال بتائی ہے۔
اعلامیے میں کہا گیا کہ 23 تا 30 اگست ملک کے بیشتر علاقوں میں شدید بارشوں کا امکان ہے، اس دوران اسلام آباد، کشمیر، خیبر پختونخوا اور پنجاب میں شدید بارشیں متوقع ہیں۔
این ڈی ایم اے کے الرٹ میں کہا گیا کہ نئے اسپیل میں راولپنڈی، اٹک، جہلم، میانوالی، خوشاب، سرگودھا، سیالکوٹ، گجرات، حافظ آباد میں شدید بارشیں متوقع ہیں۔
اعلامیے میں مزید کہا گیا کہ اس دوران چترال، دیر، سوات، شانگلہ، مانسہرہ، بٹگرام، ایبٹ آباد، مالاکنڈ، پشاور، چارسدہ، نوشہرہ، مردان، ٹانک، بنوں اور لکی مروت میں شدید بارشیں ہوسکتی ہیں۔
این ڈی ایم اے کے الرٹ میں بتایا گیا کہ 23 تا 30 اگست تک گلگت، اسکردو، ہنزہ، غذر، دیامر، استور، گانچھے اور شگر میں شدید بارشوں کے ساتھ پہاڑی علاقوں میں لینڈسلائیڈنگ سے رابطہ سڑکیں متاثر ہونے کا خدشہ ہے۔
اعلامیے میں یہ بھی کہا گیا کہ کراچی سمیت سندھ اور بلوچستان کے بیشتر علاقوں میں 27 تا 30 اگست کے دوران بارشوں کا امکان ہے۔
این ڈی ایم اے کے اعلامیے کے مطابق سندھ میں ٹھٹھہ، سجاول، بدین، تھر پارکر، حیدر آباد، جامشورو، نوابشاہ، دادو، خیرپور، سکھر، گھوٹکی، لاڑکانہ، جیکب آباد، شکار پور اور کشمور میں بارشیں متوقع ہیں۔
اعلامیے کے مطابق 27 تا 30 اگست کے دوران لسبیلہ، خضدار، آواران، قلات، گوادر، تربت، کیچ اور پنجگور میں موسلادھار بارش کا امکان ہے۔
این ڈی ایم اے الرٹ میں بتایا گیا کہ اس دوران کوئٹہ، زیارت، ژوب، لورالائی، بارکھان، موسیٰ خیل، ڈیرہ بگٹی، کوہلو میں وقفے وقفے سے بارشیں متوقع ہیں۔
اعلامیے کے مطابق دریائے سندھ میں تونسہ، گڈو اور کالا باغ کے مقام پر پانی کا بہاؤ 5 لاکھ کیوسک تک متوقع ہے جبکہ راوی اور چناب کے ملحقہ علاقوں میں پانی کے بہاؤ میں اضافے کا امکان ہے۔
