فرمان الہی
نماز کے اوقات
خیبر پختونخوا حکومت نے غیر قانونی کان کنی کے خلاف دریائے سندھ اور کابل کے کناروں پر پلیسر آف گولڈ پر پابندی عائد کردی۔
محکمہ داخلہ خیبر پختونخوا نے پابندی سے متعلق جاری اعلامیہ میں کہا ہے کہ دریائے سندھ، کابل کے کنارے سونے کی تلاش پر 60 دن کی پابندی عائد کی گئی ہے۔
اعلامیہ میں کہا گیا ہے کہ سوات، نوشہرہ، کوہاٹ اور ملحقہ علاقوں میں دفعہ 144 نافذ ہے، غیر قانونی کان کنی سے ماحولیاتی خطرات پیدا ہو رہے ہیں۔
حکام کا اعلامیہ میں کہنا ہے کہ غیر قانونی کان کنی کرنے والے سے سامان ضبط کیا جائے گا، جبکہ خلاف ورزی پر دفعہ 188 کے تحت کارروائی ہوگی۔
ذرائع کے مطابق کابینہ نے معدنیات ڈیپارٹمنٹ کو آپریشن کی ہدایت دی تھی، معاملہ خیبر پختونخوا کابینہ کے حالیہ اجلاس میں بھی زیر بحث آیا تھا۔
