فرمان الہی
نماز کے اوقات
بھارت میں بلڈوزر جسٹس ’Bullldozer justice‘ کے نام پر انصاف کو روندا جانے لگا ہے اور کارروائی کے دوران مسلمانوں کی املاک کو گرانے کا انکشاف ہوا ہے۔
عرب میڈیا کی ایک رپورٹ کے مطابق بھارت کی مختلف ریاستوں میں تجاوزات کے خلاف جاری کارروائیوں کی آڑ میں مسلمانوں اور پسماندہ طبقات کے گھر اور کاروبار کو گرایا جا رہا ہے جسے بھارتی سپریم کورٹ پہلے ہی غیر آئینی اور غیر قانونی قرار دے چکی ہے۔
ناقدین کا کہنا ہے کہ بلڈوزر کارروائیاں دراصل مسلمانوں اور دیگر اقلیتی گروہوں کو نشانہ بنانے کا ہتھیار بن چکی ہیں۔
دوسری جانب حکمراں جماعت بی جے پی اور ریاستی حکومتوں کا مؤقف ہے کہ یہ اقدامات غیر قانونی تجاوزات کے خلاف کیے جا رہے ہیں۔
غیر ملکی میڈیا کے مطابق بھارتی سپریم کورٹ نے گزشتہ سال کسی بھی شخص پر الزام لگنے یا جرم ثابت ہونے سے قبل اس کا گھر گرائے جانے کو انسانی حقوق کے خلاف اور ماورائے قانون قرار دیا تھا۔
