فرمان الہی
نماز کے اوقات
خیبر پختونخوا میں ای اسٹامپنگ کا نظام نافذ کردیا گیا۔
اس حوالے سے جاری ہونے والے نوٹیفکیشن کے مطابق خیبر پختونخوا حکومت نے دستی اسٹامپ پیپرز پر پابندی عائد کردی۔
صوبے میں رجسٹریشن ایکٹ 1908 کے تحت نوٹیفکیشن جاری کردیا گیا ہے۔ یکم ستمبر 2025 سے صوبے میں صرف ای اسٹامپنگ کا استعمال ہوگا۔
اعلامیے کے مطابق رجسٹریشن دفاتر میں دستی اسٹامپ پیپرز کا استعمال ختم کردیا گیا ہے، یہ فیصلہ شفافیت اور تیز سروس ڈیلیوری کو یقینی بنانے کے لیے کیا گیا ہے۔
یکم ستمبر کے بعد دستی اسٹامپ پیپر قبول نہیں کیا جائے گا، تمام رجسٹرارز کو احکامات پر سختی سے عملدرآمد کی ہدایت کی گئی ہے۔
