فرمان الہی
نماز کے اوقات
بحرین ڈیفنس فورس کے چیف لیفٹیننٹ جنرل ذیاب بن صقر منگل کو نیول ہیڈ کوارٹرز پہنچے اور پاک بحریہ کے سربراہ ایڈمرل نوید اشرف سے ملاقات کی۔
مسلح افواج کے شعبہ تعلقات عامہ آئی ایس پی آر کے مطابق ملاقات میں خطے کی سیکیورٹی صورتحال اور دو طرفہ تعاون پر تبادلہ خیال کیا گیا۔
نیول چیف نے ریجنل میری ٹائم سیکیورٹی پٹرولز کے ذریعے خطے میں امن کے اقدامات سے انھیں آگاہ کیا۔
آئی ایس پی آر کے مطابق بحرین ڈیفنس فورس کے سربراہ نے خطے میں سیکیورٹی سے متعلق پاک بحریہ کی کاوشوں کو سراہا۔
آئی ایس پی آر کے مطابق ملاقات میں پاکستان اور بحرین کے درمیان دفاعی تعلقات کو مزید مضبوط بنانے کے عزم کا اعادہ بھی کیا گیا۔
آئی ایس پی آر کے مطابق دورے سے دونوں ممالک بالخصوص افواج کے درمیان تعلقات کو مزید فروغ ملے گا۔
