فرمان الہی
نماز کے اوقات
جاپانی کمپنی نے ’ہیومن واشنگ مشین‘ متعارف کروا دی۔
غیر ملکی میڈیا رپورٹس کے مطابق اوساکا ایکسپو 2025 میں جاپانی کمپنی نے ’ہیومن واشنگ مشین‘ متعارف کروا دی ہے جو 15 منٹ میں انسان کے جسم کو صاف اور خشک کرسکتی ہے۔
میڈیا رپورٹس کے مطابق اوساکا ایکسپو 2025 کا آغاز رواں سال اپریل میں ہوا تھا جو 13 اکتوبر تک جاری رہے گا۔
رواں سال اس ایکسپو کی تھیم ’ڈیزائننگ فیوچر سوسائٹی فار اوو لائف‘ رکھی گئی ہے، جس میں دنیا پھر سے مختلف کمپنیاں نت نئے خیالات اور ٹیکنالوجیز کی نمائش کر رہی ہیں، جو انسانی زندگی کو مزید آسان اور سہلتوں سے آراستہ کرنے میں مدد فراہم کرسکتی ہیں۔
میڈیا رپورٹس کے مطابق اس جدید واشنگ مشن کا جاپانی نام ’میرائی ننجین سینتاکوکی‘ یعنی ہیومن واشنگ مشین آف دی فیوچر ہے۔ اسے ’سائنس کو‘ نامی جاپانی کمپنی نے تخلیق کیا ہے اور اس مشین کی تخلیق میں اے آئی ٹیکنالوجی، مائیکرو بلبلز اور اسپا کے تجربے کا خاص خیال رکھا گیا ہے۔
میڈیا رپورٹس کے مطابق جاپانی ٹیکنالوجی کمپنی سانیو الیکٹرک نے 1970 میں اس مشین کا تصور پہلی بار پیش کیا تھا، اس تصور سے متاثر ہوکر ’سائنس کو اس مشین کا جدید ورزن اوساکا ایکسپو 2025 میں پیش کیا ہے اور ایکسپو میں موجود 100 شرکاڑ خود اس کا تجربہ بھی کرسکیں گے۔
