فرمان الہی
نماز کے اوقات
پاکستان اور انٹرنیشنل مانیٹری فنڈ (آئی ایم ایف) کے درمیان دوسرے اقتصادی جائزہ کے لیے شیڈول طے پا گیا۔
ذرائع کے مطابق آئی ایم ایف کا وفد 25 ستمبر سے 8 اکتوبر تک دورہ کرے گا، پہلے مرحلے میں تکنیکی اور دوسرے مرحلے میں پالیسی سطح کے مذاکرات ہوں گے۔
ذرائع کا کہنا ہے کہ آئی ایم ایف وفد کے وزارت خزانہ، وزارت توانائی، منصوبہ بندی، اسٹیٹ بینک، ایف بی آر، اوگرا اور نیپرا سمیت دیگر ریگولیٹری اداروں اور وزارتوں سے بھی مذاکرات ہوں گے۔
ذرائع کے مطابق آئی ایم ایف وفد کے پنجاب، سندھ، خیبر پختونخوا اور بلوچستان سے الگ الگ مذاکرات بھی ہوں گے۔
ذرائع وزارت خزانہ نے بتایا کہ پاکستان کو کلائمیٹ فنانسنگ معاہدے کے تحت 28 ماہ میں ایک ارب 30 کروڑ ڈالر ملنے ہیں۔
ذرائع کے مطابق آئی ایم ایف وفد کا دورہ دو ہفتوں پر محیط ہو گا، آئی ایم ایف وفد معیشت کے جائزے کے بعد تیسری قسط جاری کرنے یا نہ کرنے کی سفارش کرے گا۔
آئی ایم ایف سے اگلی قسط جاری کرنے کی سفارش کی صورت میں ایگزیکٹیو بورڈ اس کی منظوری دے گا، آئی ایم ایف وفد کے دورے کے پہلے مرحلے میں تکنیکی مذاکرات ہوں گے جبکہ دورے کے دوسرے مرحلے میں پالیسی سطح کے مذاکرات کیے جائیں گے۔
