فرمان الہی
نماز کے اوقات
کراچی کے علاقے قیوم آباد میں بچیوں سے زیادتی کرنے والے ملزم کو گرفتار کر لیا گیا۔
پولیس کے مطابق ملزم پر ایک ہفتے کے دوران 3 مقدمات درج کیے جا چکے ہیں، ملزم علاقے میں شربت کا ٹھیلا لگاتا ہے اور علاقے میں متعدد بچیوں کو زیادتی کا نشانہ بنا چکا ہے۔
سینئر سپرنٹنڈنٹ آف پولیس (ایس ایس پی) ضلع جنوبی کا کہنا ہے کہ ملزم اب تک کئی کم عمر بچیوں کو زیادتی کا نشانہ بنا چکا ہے، گرفتار ملزم سے مزید تحقیقات جاری ہے۔
پولیس کا کہنا ہے کہ ملزم 2016 سے بچیوں کو پیسوں کا لالچ دے کر زیادتی کا نشانہ بناتا تھا، ملزم کے موبائل فون سے بچوں سے زیادتی کی 100 سے زائد ویڈیوز ملی ہیں، اس کے پاس سے ایک یو ایس بی بھی برآمد ہوئی جس میں متعدد ویڈیوز ہیں۔
ایس ایس پی ساؤتھ نے کہا کہ زیادتی کا شکار بچیوں کی عمریں 7 سے 13 برس کے درمیان ہیں، ملزم نے علاقے میں رہائش کے لیے ایک کمرہ اور ایک دکان بھی کرائے پر لے رکھی تھی، ملزم بچیوں کو پیسوں کا لالچ دے کر کبھی اپنی دکان اور کبھی اپنے کمرے میں لے جاتا تھا۔
