فرمان الہی
نماز کے اوقات
رجسٹرار سپریم کورٹ نے ریٹائرڈ ججز کی سیکیورٹی کیلئے وزارت داخلہ کو خط لکھ دیا، جس میں کہا گیا کہ سیکیورٹی صورتحال کے پیش نظر ریٹائرڈ ججز کو تین تین پولیس اہلکاروں کی سیکیورٹی دی جائے۔
رجسٹرار سپریم کورٹ نے اپنے خط میں کہا کہ وفات پا جانے والے ججز کی بیوہ کو بھی تین اہلکاروں پر مشتمل سیکیورٹی مہیا کی جائے، سیکیورٹی اہلکار متعلقہ ڈی پی او کے ماتحت ہی ہوں گے۔
خط میں کہا گیا کہ متعلقہ سیکیورٹی ایجنسیوں کو سیکیورٹی یقینی بنانے کی ہدایات جاری کی جائیں۔
رجسٹرار سپریم کورٹ نے چیف جسٹس کی منظوری سے مراسلہ جاری کیا، جس میں کہا گیا کہ تمام صوبائی چیف سیکریٹریز، تمام آئی جیز کو بھی خط کی کاپی بھجوا دی گئی۔
