فرمان الہی
نماز کے اوقات
فیڈرل کانسٹیبلری کا ہیڈکوارٹر پشاور سے اسلام آباد منتقل کرنے کا فیصلہ کرلیا گیا۔
وفاقی وزیر داخلہ نے فیڈرل کانسٹیبلری کے ہیڈکوارٹرز کے لیے اراضی کی نشاندہی کی ہدایت کردی اور نئے ہیڈکوارٹرز کا ماسٹر پلان بھی طلب کرلیا گیا ہے۔
وفاقی وزیر داخلہ محسن نقوی کی زیر صدارت سی ڈی اے ہیڈکوارٹرز میں اہم اجلاس ہوا جس میں وزیر مملکت برائے داخلہ طلال چوہدری نے بھی شرکت کی۔
علاوہ ازیں وفاقی سیکریٹری داخلہ، کمانڈنٹ و ڈپٹی کمانڈنٹ فیڈرل کانسٹیبلری، چیئرمین سی ڈی اے، آئی جی اسلام آباد، ڈی سی اسلام آباد اور سینئر حکام نے بھی اجلاس میں شرکت کی۔
محسن نقوی نے کہا کہ فیڈرل کانسٹیبلری کے ہیڈکوارٹرز کیلئے دارالحکومت میں موزوں جگہ کو مختص کیا جائے، زمین کی نشاندہی کے دوران ہیڈکوارٹرز اور ٹریننگ کی ضروریات کو خصوصی طور پر مدنظر رکھا جائے۔
وفاقی وزیر داخلہ نے کہا کہ فیڈرل کانسٹیبلری کو جدید بنیادوں پر استوار کر کے ایک منظم اور انتہائی فعال فورس بنانا چاہتے ہیں۔
