فرمان الہی
نماز کے اوقات
ریٹائرڈ ججز کی سیکیورٹی سے متعلق مراسلے پر ترجمان سپریم کورٹ نے وضاحت جاری کردی، جس میں کہا گیا کہ عوامی وسائل کے دانش مندانہ استعمال کے عزم سے چیف جسٹس کی سیکیورٹی کو معقول بنایا ہے۔
ترجمان سپریم کورٹ کا کہنا ہے کہ چیف جسٹس پاکستان سمیت ججز کی سیکیورٹی کو ریگولیٹ کیا گیا ہے، چیف جسٹس پروٹوکول میں سرکاری گاڑیوں کی تعداد 8 سے کم کر کے 2 کر دی ہے۔
دیگر ججوں کے لیے حفاظتی نظام کو بھی مناسب طریقے سے منظم کیا گیا ہے، ریٹائرڈ ججز کی سیکیورٹی بھی مروجہ قوانین، سیکیورٹی پروٹوکولز، استحقاق کے مطابق ریگولیٹ کی گئی، صدارتی حکم ریٹائرڈ ججوں کو تاحیات سیکیورٹی فراہم کرتا ہے، ریٹائرڈ ججز ماضی میں حساس ڈیوٹی کر چکے ہوتے ہیں۔
ترجمان سپریم کورٹ کا کہنا ہے کہ مسلسل سیکیورٹی خدشات کو مدنظر رکھتے ہوئے سرکلر جاری کیا گیا تھا، سیکیورٹی پروٹوکولز کو عملی شکل دینے کے لیے سرکلر جاری کیا گیا تھا۔
یہ سیکیورٹی بغیر کسی غیر معمولی فائدہ، اضافی رعایت یا مراعات میں شامل نہیں، سرکلر اس لیے جاری کیا گیا کہ ضرورت سے زیادہ فورس کی تعیناتی نہ ہو، مقصد سپریم کورٹ، وزارت داخلہ اور صوبائی حکام کے درمیان ہم آہنگی یقینی بنانا تھا۔
