فرمان الہی
نماز کے اوقات
امریکی صدر ڈونلڈ ٹرمپ نے برطانیہ کے سرکاری دورے میں ونزر کاسل میں منعقدہ فوجی تقریب میں شرکت کی۔
صدر ٹرمپ اور میلانیا ٹرمپ نے شاہ چارلس اور ملکہ کمیلا کے ہمراہ رائل فوج کی شاندار پریڈ دیکھی ، تقریب میں طیاروں کا رنگا رنگ فلائی پاسٹ کا مظاہرہ بھی کیا گیا۔
امریکی صدر ڈونلڈ ٹرمپ اور خاتون اول میلانیا ٹرمپ سرکاری دورے پر برطانیہ پہنچے، جہاں ان کا پرتپاک استقبال پرنس ولیم اور شہزادی کیتھرین نے کیا۔
خبر ایجنسی کے مطابق صدر ٹرمپ ہیلی کاپٹر کے ذریعے شاہی محل ونزر کاسل پہنچے، برطانوی شاہی خاندان اور امریکی مہمانوں کے درمیان خصوصی جلوس نکالا گیا جس میں صدر ٹرمپ کے ساتھ کنگ چارلس سوار تھے، جبکہ کوئین کمیلا اور میلانیا ٹرمپ اسکاٹش اسٹیٹ کوچ میں موجود تھیں۔
شاہی محل پہنچنے پر شاہ چارلس سوم اور ملکہ کمیلا نے ٹرمپ اور میلانیا ٹرمپ کو خوش آمدید کہا، امریکی صدر ڈونلڈ ٹرمپ کی کل برطانوی وزیراعظم اسٹارمر سے ملاقات ہوگی۔
