فرمان الہی
نماز کے اوقات
امریکی صدر ٹرمپ نے کہا ہے کہ دوران حمل ایسیٹامینوفن (acetaminophen) یا ٹائلینول گولی کھانے سے بچے میں آٹزم کا خطرہ بڑھ سکتا ہے۔
صدر ٹرمپ نے کہا کہ یہ اچھی دوا نہیں اس لیے ایف ڈی اے سختی سے ہدایت کرے گی کہ اگر طبی ضرورت نہ ہو تو حاملہ خواتین اس کے استعمال کو محدود کریں۔
امریکی وزیر صحت رابرٹ کینیڈی نے کہا کہ آگاہی کے لیے دوا پر سیفٹی لیبل بھی لگایا جائے گا۔
امریکی سائنس دان اور ہیلتھ اکانومسٹ جیانتا بھٹہ چاریہ نے اعلان کیا کہ آٹزم پر تحقیق کیلئے 5 کروڑ ڈالر رقم مختص کی جارہی ہے۔
واضح رہے کہ یہ دوا عام طور پر درد کے علاج کے طور پر لی جاتی ہے اور پاکستان میں مختلف نام سے دستیاب ہے۔
یہ دوا عام میڈیکل اسٹورز پر بغیر ڈاکٹر کے نسخے کے بھی بڑی مقدار میں حاصل کی جاسکتی ہے۔
