فرمان الہی
نماز کے اوقات
وزارتِ خزانہ نے 1225 ارب روپے کے پاور سیکٹر سرکلر ڈیٹ کے حل کا خیرمقدم کیا ہے۔
گردشی قرض پر وزارتِ خزانہ نے جاری کیے گئے بیان میں کہا ہے کہ گردشی قرض کا حل کرنے میں وزارتِ توانائی، اسٹیٹ بینک، پاکستان بینکس ایسوسی ایشن اور 18 بینکوں نے تعاون کیا۔
وزارتِ خزانہ کے اعلامیے کے مطابق گردشی قرض کا حل توانائی کے شعبے کے سب سے بڑے چیلنجز میں سے ایک کا حل ہے، گردشی قرض کا حل ادارہ جاتی تعاون کی مضبوطی کی عکاسی ہے۔
وزارتِ خزانہ کے اعلامیے میں کہا گیا ہے کہ شارٹ ٹرم قرض کو طویل المدتی ذرائع میں تبدیل کیا گیا ہے، اس سے ادائیگی اور نگرانی کا واضح فریم ورک قائم ہوا، یہ بجلی کمپنیوں کے لیے کیش فلو کو محفوظ اور بینکوں کی لیکویڈیٹی کو بحال کرتا ہے۔
اعلامیے میں وزارتِ خزانہ کا کہنا ہے کہ کمزور صارفین کو ٹارگٹڈ سبسڈی اور سوشل سیفٹی نیٹ کے ذریعے تحفظ فراہم کیا گیا ہے، یہ مربوط حل مالی نظم و ضبط کو تقویت اور سرمایہ کاروں کا اعتماد بحال کرتا ہے، اس پر عمل درآمد کی نگرانی ایک مشترکہ مانیٹرنگ کمیٹی کرے گی۔
اعلامیے میں کہا گیا ہے کہ وزارتِ خزانہ نے اس حوالے سے تمام شراکت داروں سے اظہارِ تشکر کرتے ہوئے پائیدار توانائی کے شعبے کی بہتری کے عزم کا اعادہ کیا ہے۔
