فرمان الہی
نماز کے اوقات
فلسطینی مزاحمتی تنظیم حماس کے سینئر رہنما غازی حمد نے اعلان کیا ہے کہ خود مختار ریاست بننے پر ہتھیار فلسطینی فوج کے حوالے کردیں گے۔
واشنگٹن میں امریکی میڈیا سے گفتگو میں غازی حمد نے کہا کہ حماس کو منظر عام سے غائب کرنے کا کوئی بھی فارمولہ ناقابل قبول ہے۔
انہوں نے کہا کہ غزہ میں ہزاروں فلسطینیوں کے خون نے مسئلہ فلسطین کو اجاگر کیا، جنگ بندی کے حوالے سے مذاکرات منجمد ہوچکے ہیں۔
حماس کے سینئر رہنما نے مزید کہا کہ 7 اکتوبر حملے کی بھاری قیمت چکانی پڑی، تاہم کوئی دوسرا راستہ نہیں تھا، حملے کے بعد کےنقصانات کی ذمے داری حماس پر عائد نہیں کی جاسکتی ہے۔
اُن کا کہنا تھا کہ خودمختار ریاست بننے پر حماس ہتھیار فلسطینی فوج کے حوالے کرے گی۔
