فرمان الہی
نماز کے اوقات
احمد آباد( جنگ نیوز)بھارتی ریاست گجرات کی ہائی کورٹ نے احمد آباد کے سرس پور علاقے میں واقع 400سال پرانی مسجد کے ایک حصے کاانہدام روکنے سے انکار کر دیا ہے۔قانونی ماہرین نے فیصلے کو مسلمانوں اور انکے مذہبی مقامات سے متعلق بے حسی اور تعصب کا عکاس قرار دیدیا۔کشمیر میڈیا سروس کے مطابق عدالت کا یہ فیصلہ احمد آباد میونسپل کارپوریشن (اے ایم سی) کی جانب سے مسجد کی کمیٹی کو ترقیاتی منصوبے کے لیے مسجد کا ایک حصہ خالی کرنے کے لیے نوٹس جاری کرنے کے بعد آیا ہے۔ مسجد کے متولی نے عدالت سے رجوع کرتے ہوئے کہا تھا کہ مسجد 1950سے بمبئی پبلک ٹرسٹ ایکٹ کے تحت ایک رجسٹرڈ وقف جائیداد ہے اور مسلمانوں کے لیے گہری تاریخی، ثقافتی اور مذہبی اہمیت رکھتی ہے۔ میونسپل کارپوریشن سڑک کو چوڑا کرنے کے منصوبے کے بہانے مسجد کا ایک حصہ گرانا چاہتی ہے۔
