فرمان الہی
نماز کے اوقات
رواں سال کا پہلا سُپر مون آج رات اپنی پوری آب و تاب کے ساتھ آسمان پر نمودار ہوگا۔
ترجمان اسپارکو کے مطابق سپر مون کے دوران چاند زمین سے تقریباً دو لاکھ چوبیس ہزار میل کے فاصلے پر ہوگا، جس کے باعث وہ معمول کے مکمل چاند کے مقابلے میں 6.6 فیصد بڑا اور 13 فیصد زیادہ روشن دکھائی دے گا۔
ماہرین کا کہنا ہے کہ پاکستان سمیت دنیا بھر میں لوگ اس دلکش منظر سے لطف اندوز ہوسکیں گے، سپر مون سورج غروب ہونے کے فوراً بعد مشرقی افق سے طلوع ہوگا، جب کہ یہ طلوع آفتاب سے قبل مغربی سمت میں غروب ہوجائے گا۔
اسپارکو کے مطابق رواں سال مزید دو سپر مونز بھی دیکھے جا سکیں گے، ان میں سے سب سے روشن سپر مون 5 نومبر 2025 کو متوقع ہے، جب کہ تیسرا اور آخری سپر مون 5 دسمبر کو دکھائی دے گا۔
ماہرینِ فلکیات کا کہنا ہے کہ سپر مون اُس وقت بنتا ہے جب چاند اپنے مدار میں گردش کرتے ہوئے زمین کے قریب ترین مقام پر پہنچ جاتا ہے، اس وقت چاند عام دنوں کے مقابلے میں زیادہ بڑا، چمکدار اور نمایاں نظر آتا ہے، اسی لیے اسے سپر مون کہا جاتا ہے۔
