فرمان الہی
نماز کے اوقات
لاہور میں تندور مالکان نے نان اور خمیری روٹی کی قیمت میں 5 روپے اضافہ کر کے قیمت 30 روپے مقرر کردی۔
صدر متحدہ نان روٹی ایسوسی ایشن آفتاب اسلم گل کا کہنا ہے کہ فائن آٹے کی قیمت بڑھنے پر نان اور خمیری روٹی کی قیمت میں اضافہ کیا ہے۔
آفتاب اسلم گل کے مطابق فائن آٹے کی بوری کی قیمت میں 4500 روپے سے 5 ہزار روپے تک کا اضافہ ہوا ہے، پنجاب حکومت کا کہنا ہے فائن آٹے کی قیمت میں اضافے سے اس کا کوئی تعلق نہیں اس لیے ہم نے نان اور خمیری روٹی کی قیمت میں 5 روپے کا اضافہ کیا ہے۔
ان کا کہنا ہے کہ سادہ روٹی اب بھی 14 روپے میں ہی فروخت کر رہے ہیں، اگر فائن آٹا پرانی قیمت پر فراہم کیا گیا تو نان اور خیمری روٹی کی قیمت بھی کم کردیں گے۔
