فرمان الہی
نماز کے اوقات
٭ شاخوں سے پتّوں کا گرنا محض موسم کی تبدیلی کا پیش خیمہ نہیں بلکہ یہ یاد دلاتا ہے کہ دنیا کی ہر چیز فانی ہے۔
٭ زندگی آسان نہیں ہوتی، اُسے آسان بنانا پڑتا ہے، کچھ صبر کرکے، کچھ برداشت کر کے اور بہت کچھ نظر انداز کرکے۔
٭ لامحدود آرزوئیں، محدود زندگی کو عذاب بنا دیتی ہیں۔
٭ نفرتوں کا اپنا کوئی علاقہ نہیں ہوتا، یہ ہمیشہ محبّتوں کی زمین پر قبضہ کرتی ہیں۔
٭ جبر اور ظلم کے ذریعے مُلک میں استحکام کی توقع رکھنا ایسا ہے، جیسے درخت کو آگ لگا کر سایہ تلاس کرنا۔
٭ غربت خیرات سے نہیں، عدل سے ختم ہوتی ہے۔
٭ زندگی میں جو چاہیں حاصل کریں، بس اتنا خیال رکھیں کہ آپ کی منزل کا راستہ، لوگوں کے دِلوں کو توڑتا ہوا نہ جاتا ہو۔
٭ عزت ہمیشہ وقت اور حالات کی ہوتی ہے اور نادان انسان اُسے اپنی سمجھ لیتا ہے۔
(بابر سلیم خان، سلامت پورہ، لاہور)
