فرمان الہی
نماز کے اوقات
محکمہ صحت نے فلو کے خطرات کے پیشِ نظر ہنگامی ایڈوائزری جاری کردی۔
ہیلتھ ایڈوائزری نیشنل انسٹی ٹیوٹ آف ہیلتھ اسلام آباد کی سفارشات پر تیار کی گئی ہے جس میں فلو سے بچاؤ، کنٹرول اور علاج سے متعلق جامع ہدایات جاری کی گئی ہیں۔
محکمہ صحت کے مطابق خیبر پختونخوا میں اپریل تک انفلوئنزا وائرس پھیلنے کا خطرہ ہے۔
محکمہ صحت نے مزید بتایا کہ فلو کے کیسز میں نومبر سے اپریل تک اضافے کا امکان ہے اس لیے بزرگ، 5 سال سے کم عمر بچے اور حاملہ خواتین محتاط رہیں، دائمی امراض کے مریض خصوصی طور پر احتیاطی تدابیر اختیار کریں۔
محکمہ صحت نے صوبے کے تمام اسپتالوں کو اقدامات کرنے کی ہدایت بھی کر دی ہے۔
محکمہ صحت نے یہ بھی بتایا کہ جاپان، سنگاپور اور تھائی لینڈ میں فلو کیسز بڑھنے کے بعد الرٹ جاری کیا گیا ہے۔
محکمہ صحت نے فلو سے بچاؤ کی ویکسین کو مؤثر حفاظتی اقدام قرار دیا ہے۔
محکمہ صحت کے مطابق ہاتھوں کی صفائی اور ماسک کے استعمال سے وائرس کے پھیلاؤ میں کمی ممکن ہے۔
