فرمان الہی
نماز کے اوقات
بالی ووڈ کی خوبرو اداکارہ کریتی سینن نے انکشاف کیا ہے کہ ان کی پہلی فلم ’’ہیروپنتی‘‘ کی ریلیز کے بعد انہیں بالی ووڈ کے سپر اسٹار ریتک روشن کا فون آیا تھا۔
ٹی وی شو ٹو مچ وِد کاجول اینڈ ٹوئنکل میں گفتگو کے دوران کریتی سینن نے بتایا کہ ریتک روشن وہ واحد اداکار ہیں جن کے پوسٹرز انہوں نے اپنے کمرے میں لگائے تھے۔
اداکارہ نے اپنے فین گرل لمحے کو یاد کرتے ہوئے کہا کہ جب ہیروپنتی ریلیز ہوئی تو ٹائیگر شروف نے خاص طور پر ریتک روشن کے لیے فلم کی اسکریننگ رکھی تھی، مگر مجھے اس کا علم نہیں تھا۔ میں سو رہی تھی کہ رات کے دو بجے میرا فون بجا، جس پر نامعلوم نمبر تھا۔
کریتی نے مزید بتایا کہ جب میں نے ٹرو کالر چیک کیا تو اس پر Hrithik لکھا تھا۔ مجھے یقین ہی نہیں آیا کہ واقعی وہ مجھے کال کر رہے ہیں۔ میں نے تھوڑی دیر کے لیے خود کو سنبھالا، پھر صبح جا کر انہیں واپس کال کی۔
اداکارہ کا کہنا تھا کہ یہ لمحہ ان کے لیے ناقابلِ یقین اور خواب جیسا تھا، کیونکہ وہ ہمیشہ سے ریتک روشن کی مداح رہی ہیں۔
