فرمان الہی
نماز کے اوقات
دوسرے ون ڈے میچ میں پاکستان کے خلاف سری لنکا کی بیٹنگ جاری ہے۔
راولپنڈی کرکٹ اسٹیڈیم میں کھیلے جا رہے میچ میں سری لنکا کی دوسری وکٹ 62 رنز پر گر گئی ہے۔ کامل مشرا کو ابرار احمد نے آؤٹ کیا۔
سری لنکا کی پہلی وکٹ 51 رنز پر گری تھی جب پاتھم نسانکا رن آؤٹ ہوئے تھے۔
پاکستان نے دوسرے ون ڈے میچ میں سری لنکا کے خلاف ٹاس جیت کر فیلڈنگ کا فیصلہ کیا ہے۔
آج کے میچ میں پاکستان نے دو تبدیلیاں کی ہیں۔ ابراراحمد، وسیم جونیئر کی دوسرے ایک روزہ میچ میں واپسی ہوئی ہے جبکہ فہیم اشرف اور شاہین آفریدی دوسرا ایک روزہ میچ نہیں کھیل رہے۔
سلمان علی آغا نے ٹاس جیتنے کے بعد گفتگو کے دوران بتایا کہ شاہین آفریدی کی طبعیت ٹھیک نہیں، آج میچ میں کپتانی میں کروں گا، شاہین آفریدی آج کا میچ نہیں کھیل رہے۔
سیکیورٹی کے سخت انتظامات
پولیس کے حکام کا کہنا ہے کہ راولپنڈی اسٹیڈیم کے اطراف میں سیکیورٹی کے سخت ترین انتظامات کیے گئے ہیں، ٹیموں کی آمد اور روانگی کے وقت بھی نفری تعینات رہے گی۔
پولیس حکام کے مطابق حالیہ دہشت گردی کے واقعات کے بعد جامع تلاشی مزید سخت ہوگی، راولپنڈی اسٹیڈیم کے اطراف عمارتوں پر ماہر نشانہ باز تعینات رہیں گے، وی آئی پی پارکنگ میں اسٹیکرز والی گاڑیاں ہی جاسکیں گی۔
حکام کے مطابق شائقین کرکٹ کو اپنی شناختی دستاویزات پاس رکھنے اور تمام افسران کو میچ کے دوران کڑی نگرانی اور فیلڈ میں رہنے کی ہدایت کی گئی ہے۔
پولیس کے حکام کے مطابق تمام افسران و اہلکاروں کو مشکوک افراد اور سرگرمیوں پر کڑی نظر رکھنے کی ہدایت کی گئی ہے۔
