فرمان الہی
نماز کے اوقات
ناسا کے ماہرینِ فلکیات نے یورپین اسپیس ایجنسی کی ہبل اسپیس ٹیلی اسکوپ کو استعمال کرتے ہوئے خم دار کہکشاں این جی سی 1511 کی شاندار تصویر حاصل کی ہے ۔یہ زمین سے تقریباً5 کروڑ نوری سال کے فاصلے پر موجود جھرمٹ ’’ہائڈرس‘‘ میں واقع ہے۔
یہ خم دار کہکشاں ماہرِ فلکیات جان ہرشل نے 2 نومبر 1834 کو دریافت کی جو کہ این جی سی 1511 گروپ نامی کہکشاؤں کے جھرمٹ کی مرکزی ممبر ہے۔ ہبل کا استعمال کرنے والے ماہرین کے مطابق دیگر کہکشاؤں کی طرح این جی سی 1511 خلا میں اکیلی سفر نہیں کرتی بلکہ اس کے ساتھ دو کہکشائیں این جی سی 1511 اے اور این جی سی 1511 بی بھی سفر کرتی ہیں جو کہ ہبل کی اس تصویر کے فریم سے باہر ہیں۔ ان کہکشاؤں کو ہائیڈروجن کے ایک تنگ پٹی نے جوڑ رکھا ہے۔
