فرمان الہی
نماز کے اوقات
کراچی کے علاقے ڈیفنس بدر کمرشل فیز فائیو میں خاتون کی موت کیسے واقع ہوئی؟ گُتھی نہ سلجھ سکی۔
وزیر ترقی نسواں سندھ شاہینہ شیر علی کا خاتون کی مشکوک موت پرتشویش کا اظہار کرتے ہوئے پولیس سے واقعے کی مکمل تفصیلات طلب کرلیں۔
انہوں نے واقعے کی تمام پہلوؤں سے انکوائری کی ہدایت کرتے ہوئے کہا کہ رپورٹ کے مطابق واقعہ مشکوک ہے اور قتل کا شبہ ظاہر ہوتا ہے، ہر زاویے سے مکمل اور شفاف تحقیقات کی جائیں۔
پولیس کے مطابق ابتدائی معلومات اور تفتیش سے معلوم ہوا ہے کہ خاتون کی گزشتہ ماہ شادی ہوئی تھی، ہلاکت کے وقت وہ اپنے شوہر کے رشتہ دار کے گھر بدر کمرشل میں گھومنے کے لیے رہائش پذیر تھی۔
پولیس حکام کا کہنا ہے کہ خاتون کا شوہر اس وقت کوٹری میں اپنی ٹریننگ کے سلسلے میں موجود تھا، والد بھی محکمہ پولیس سے وابستہ ہیں اور تھانہ ایئرپورٹ میں تعینات ہیں۔
پولیس کے مطابق خاتون کے شوہر کے رشتہ دار نے ہی والد کو فون کرکے واقعے سے آگاہ کیا تھا۔
