• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسلمانوں سے ناروا سلوک، جمعیت علما ہند کے صدر کی مودی حکومت پر سخت تنقید

آج کا اخبار
ملک بھر سے
24 نومبر ، 2025

لاہور(خالدمحمودخالد) جمعیت علما ہند کے صدر مولانا ارشد مدنی نے بھارت میں مسلمانوں کے ساتھ ناروا سلوک کے حوالے سے مودی حکومت پر سخت تنقید کرتے ہوئے کہا کہ ملک میں مسلمانوں کے خلاف تعصب بڑھتا جا رہا ہے۔ انہوں نے نیویارک کے میئر زہران ممدانی اور لندن کے میئر صادق خان کی مثال دیتے ہوئے کہا کہ دنیا میں مسلمان ترقی کی منازل طے کر رہے ہیں، لیکن بھارت میں حالات اس کے برعکس ہیں۔ انہوں نے کہا کہ بھارت میں مسلمان وائس چانسلر تک نہیں بن سکتا اور اگر بن جائے تو اسے جیل کی ہوا کھانی پڑتی ہے۔ انہوں نے الزام لگایا کہ الفلاح یونیورسٹی کے خلاف کارروائی بھی اسی سلسلے کی ایک کڑی ہے جہاں ای ڈی نے بانی جواد احمد صدیقی کو منی لانڈرنگ کیس میں گرفتار کیا ہے۔
ملک بھر سے سے مزید