فرمان الہی
نماز کے اوقات
بالی ووڈ کے معروف اداکار و فلم اسٹار اکشے کمار کا کہنا ہے کہ ہمارے بچپن میں ہر لڑکا دھرمیندر جیسا بننا چاہتا تھا۔
بالی ووڈ کے سینیئر اداکار دھرمیندر 89 سال کی عمر میں آج ممبئی میں چل بسے، ان کی موت پر فلم انڈسٹری اور شوبزنس فنکاروں نے گہرے دکھ کا اظہار کیا ہے۔
اکشے کمار نے بھی افسوس کا اظہار کرتے ہوئے دھرمیندر کو خراج عقیدت پیش کیا۔
سماجی رابطے کی ویب سائٹ ایکس پر دھرمیندر کے ساتھ اپنی یادگار تصویر شیئر کرتے ہوئے اکشے کمار نے لکھا کہ ’بچپن میں دھرمیندر جی وہ ہیرو تھے جن کے جیسا ہر لڑکا بننا چاہتا تھا، یہ ہماری انڈسٹری کے اصل ہی۔مین ہیں۔
اکشے کمار نے دھرمیندر کو خراج عقیدت پیش کرتے ہوئے لکھا کہ ’’نسلوں کو متاثر کرنے کیلئے شکریہ، آپ اپنی فلموں اور اپنی پھیلائی ہوئی محبت کے ذریعے ہمیشہ زندہ رہیں گے۔
خیال رہے کہ بھارتی فلم انڈسٹری کے ممتاز اداکار اور بالی ووڈ کے لیجنڈ دھرمیندر چل بسے، ان کی موت سے شائقین اور فلمی حلقوں میں غم کی لہر دوڑ گئی۔
بھارتی میڈیا کے مطابق 89 سالہ معروف اداکار گزشتہ کچھ عرصے سے علیل تھے، گزشتہ دنوں ان کو سانس سے متعلق شدید تکلیف کے باعث اسپتال میں داخل کیا گیا تھا۔
بھارتی میڈیا کا کہنا ہے کہ دھرمیندر کی آخری رسومات پون ہنس کریمیٹریم ممبئی میں ادا کی گئیں۔
رسومات میں ان کی اہلیہ اداکارہ ہیما مالنی اور بیٹی ایشو دیول سمیت بھارتی فلم انڈسٹری کے کئی بڑے نام شریک تھے جس میں امتابھ بچن، جیا بچن، ابھیشک بچن، عامر خان اور دیگر افراد بھی شامل تھے۔
معروف فلم ساز کرن جوہر نے بھی انسٹاگرام پر دھرمیندر کی موت کی تصدیق کی اور انہیں خراج عقیدت پیش کرتے ہوئے کہا کہ مین اسٹریم سنیما کے ہیرو میگا اسٹار کا دور ختم ہوا۔
