فرمان الہی
نماز کے اوقات
دبئی ایئر شو میں ہفتے کو بھارتی فضائیہ کے طیارے تیجس گرنے کے واقعے کے بعد بھارت کو جھٹکا لگا ہے، آرمینیا نے طیارے کی خریداری روک دی۔
اس حوالے سے اسرائیلی اخبار یروشیلم پوسٹ کے مطابق دبئی میں تیجس طیارے کو حادثے کے بعد آرمینیا نے اعلان کیا ہے کہ وہ بھارتی فضائیہ کے تیجس لڑاکا طیارے کی خریداری پر مذاکرات کو معطل کر رہا ہے۔
اخبار کے مطابق آرمینیا بھارتی ساختہ 12 تیجس طیاروں کی ایک اشاریہ 2 بلین ڈالر میں خریداری کیلئے بات چیت کر رہا تھا، بات چیت بھارتی حکومت اور ایئر کرافٹ مینوفیکچر ادارے 'ہال ' ہندوستان ایئروناٹکس لمیٹڈ سے ہو رہی تھی۔
اگر یہ واقعہ پیش نہ آتا تو یہ بھارتی طیاروں کی پہلی ایکپسورٹ ڈیل ہوتی۔
بھارت میں تیجاس ایئر کرافٹ کی تیاری 1982میں اس خیال کے ساتھ شروع ہوئی تھی کہ وہ دنیا کا سب سے بڑا اسلحہ کے خریدار کے ساتھ بڑا ایکسپورٹر بھی بنے۔
واضح رہے کہ بھارتی طیارے کے گرنے کے حادثے میں پائلٹ ونگ کمانڈر نمانش سیال ہلاک ہوگیا تھا۔
