فرمان الہی
نماز کے اوقات
کراچی (اسٹاف رپورٹر) سندھ ہائیکورٹ نے بیرون ملک مقیم باپ کی جانب سے بچے کے اخراجات کی عدم ادائیگی سے متعلق درخواست پر بچے کے اخراجات میں اضافے کی درخواست منظور کرلی۔ والد کو بچے کے اخراجات کی مد میں 1 لاکھ 30 ہزار ماہانہ ادا کرنے کا حکم دیدیا۔ ہائیکورٹ میں بیرون ملک مقیم باپ کی جانب سے بچے کے اخراجات کی عدم ادائیگی سے متعلق درخواست کی سماعت ہوئی۔ عدالت نے بچے کے اخراجات میں اضافے کی درخواست منظور کرلی۔ عدالت نے ریمارکس دیئے کہ اقوام متحدہ کا کنونشن بچوں کی جسمانی و ذہنی نشونما اور معیار زندگی کے حقوق دیتا ہے۔ آرٹیکل 27(ii) کے تحت بچے کا تحفظ اور ضروریات کی ذمہ داری والدین پر عائد ہوتی ہے۔ اسلامی قوانین کے تحت بچے کے اخراجات پورے کرنے کی ذمہ داری والد کی ہے۔ محمڈن لاء ایک سے زائد بیویوں کو برابری کے حقوق دیتا ہے۔ ایک سے زائد بیویوں کے بچوں کو بھی برابری کے حقوق حاصل ہیں۔
