فرمان الہی
نماز کے اوقات
کراچی (اسٹاف رپورٹر) سندھ ہائی کورٹ بار کے سالانہ انتخابات میں کانٹے دار مقابلہ، حسیب جمالی ایڈووکیٹ صدر منتخب ہوگئے ، نائب صدر کے عہدے پر طارق علی جکھرانی اور جنرل سیکرٹری کی نشست پر فریدہ منگریو کامیاب قرار پائیں ۔ تفصیلات کے مطابق سندھ ہائی کورٹ بار ایسوسی ایشن کے سالانہ انتخابات کا انعقاد سندھ ہائیکورٹ میں ہوا ،انتخابات کے موقع پر سندھ ہائیکورٹ میں بڑی تعداد میں وکلا شریک ہوئے اورکافی گہما گہمی دکھائی دی ، اس کے علاوہ وکلا ووٹرز کی رہنمائی کے لئے کیمپس بھی لگائے گئے تھے جہاں ان کے ووٹنگ بوتھ سے متعلق آگاہی فراہم کی جاتی رہی ، سندھ ہائیکورٹ بار کے انتخابات میں رجسٹرڈ وکلا ووٹرز کی تعداد 8 ہزار 478 تھی۔
