فرمان الہی
نماز کے اوقات
کراچی (اسٹاف رپورٹر)اتحاد ٹاؤن محمد خان کالونی کے قریب گودام میں آگ لگنے سے بھاری مالیت کا پلاسٹک دانا خاکستر ہو گیا،اطلاع پر فائر بریگیڈ کے عملے نے دو گھنٹوں کی جدوجہد کے بعد آگ پرقابوپا لیا،گودام کے مالک کے مطابق گودام سے متصل خالی پلاٹ میں جھاڑیوں میں آگ لگی تھی جو گودام تک پہنچی، بن قاسم موڑ کے قریب درختوں اور ایک مکان میں آگ لگنے کی اطلاع ملنے پر فائر بریگیڈ کی دو گاڑیاں موقع پر پہنچیں اور ایک گھنٹے کی جدوجہد کے بعد آگ پر قابو پا لیا،ابتدائی طور پر معلوم ہوا ہے کہ اسکریپ کے ایک پرانے گودام میں نشے کے عادی افراد بیٹھ کر نشہ کررہے تھے اسی دوران آگ بھڑک اٹھی، آگ نے پھیلتے ہوئے درختوں اور ایک گھر کو بھی اپنی لپیٹ میں لے لیا ، گھر کا قیمیتی سامان اور درخت جل گئے۔
