فرمان الہی
نماز کے اوقات
اسلام آباد (جنگ رپورٹر) سپریم کورٹ میں مروجہ انتخابی نظام کو غیراسلامی قرار دینے ،حدود آرڈیننس میں زنا کے جرم اور شہادتوں متعلق دائر تقریباً 36سال پرانی آئینی درخواستوں کی سماعت 5 دسمبر کو ہوگی ، وفاقی حکومت نے شری عدالت کے فیصلوں کیخلاف 89ءمیں اپیلیں دائر کی تھیں جن کی سماعت کیلئے5رکنی شریعت اپیلیٹ بنچ تشکیل دیدیا گیا جوجسٹس شاہد وحید کی سربراہی میں جسٹس عقیل احمد عباسی،جسٹس شکیل احمد،شریعت اپیل بنچ کی ایڈہاک رکن ، ڈاکٹر خالد مسعود اورڈاکٹر قبلہ ایاز پر مشتمل ہے ،یاد رہے کہ شریعت اپیلیٹ بنچ کم و بیش ڈیڑھ سال بعد تشکیل دیا گیا ،یہ بھی یاد رہے کہ زیر غور درخواستیں تقریباً 36سال قبل دائر ہوئی تھیں ، جن میں وفاقی شر عی عدالت کے فیصلوں کیخلاف وفاقی حکومت نے 1989میں اپیلیں دائر کی تھیں۔
