فرمان الہی
نماز کے اوقات
کراچی(اسٹاف رپورٹر)پولیس کے دعوئوں کے برعکس شہر کے مختلف علاقوں میں گھروں سے کچرا جمع کرنےوالے افغان باشندے ایک مرتبہ پھر فعال ہوگئے ،اس سلسلےمیں موقف جاننے کے لئے ڈائریکٹر پریس سی پی او سندھ سید سعد علی سے فون پر رابطہ کرنے کی کوشش کی گئی اور انکے واٹس ایپ پر بھی تحریری سوال ارسال کیا گیا تاہم ان کی جانب سے جواب موصول نہیں ہوا ۔تفصیلات کے مطابق ملک بھر کی طرح کراچی میں بھی مقیم ا فغان پناہ گزینوں کوبے دخل کرنے کے لئے بھر پور کارروائیاں دیکھنے میں آئیں ،اس سلسلہ میں حکومت کی جانب سے افغان پناہ گزینوں کو واپس جانے کے لئے اعلان کردہ حتمی تاریخ ختم ہونے کے بعد کراچی میں قائم سب سے بڑی افغان بستی کو بھی مسمار کرکے وہاں پر مقیم افغان باشندوں کو واپس افغانستان بھیجنےکا عمل شروع کیا گیا۔
