فرمان الہی
نماز کے اوقات
اسلام آباد (صالح ظافر) بھارت کیساتھ اپنے تعلقات میں بڑھتی ہوئی کشیدگی کے درمیان ترکی نے خطے میں بھارت کے علاوہ دیگر جنوبی ایشیائی ممالک کے ساتھ اپنے تعلقات کو مضبوط کیا ہے۔ خطے کے ایک بھارتی نژاد ماہر نے ایک مغربی اشاعتی ادارے کے لیے لکھے گئے اپنے مضمون میں یہ بات کہی، جو ہندی زبان میں شائع ہوا تھا۔انہوں نے یاد دلایا کہ بھارت کے حریف ملک پاکستان کے لیے ترکی کی حمایت کسی سے ڈھکی چھپی نہیں ہے۔ مضمون میں کہا گیا ہے کہ ترکی نے خطے میں بھارت کے علاوہ دیگر جنوبی ایشیائی ممالک کے ساتھ اپنے تعلقات کو مضبوط بنایا ہے۔ بنگلہ دیش، نیپال، سری لنکا، اور مالدیپ جیسے ممالک میں ترکی کا بڑھتا ہوا اثر و رسوخ نئی دہلی کے لیے تشویش کا باعث بن کر ابھرا ہے۔بھارتی بحریہ کے تلوَر فریگیٹ، آئی این ایس ترکند نے 17 اور 18 ستمبر کو یونانی بحریہ کے جہازوں کے ساتھ ایک بحری مشق کی تھی۔ اسی طرح کی ایک مشق 24 ستمبر کو قبرصی بحریہ کے ساتھ بھی کی گئی تھی۔ یہ مشترکہ مشقیں ترکی کے لیے ’’مشکلات‘‘ میں اضافہ کر سکتی ہیں، جس کی اپنے پڑوسی یونان کے ساتھ طویل عرصے سے دشمنی چلی آ رہی ہے۔
