• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سرکاری اشتہارات کی ادائیگی کا پرانا نظام بحال کیا جائے، اے پی این ایس سندھ کمیٹی

آج کا اخبار
اہم خبریں
30 نومبر ، 2025
کراچی(جنگ نیوز)آل پاکستان نیوز پیپرز سوسائٹی کی سندھ کمیٹی کا اجلاس چیئرمین جاوید مہر شمسی کی صدارت میں منعقد ہوا۔اجلاس میں اراکین نے متفقہ طور پر مطالبہ کیا 15:85کے نظام کو برقرار رکھتے ہوئے سرکاری اشتہارات کی ادائیگی کے موجودہ طریقہ کار کی بجائے ایجنسیوں کے ذریعے ادائیگی کا پرانا نظام بحال کیا جائے۔اراکین نے پی آئی ڈی کی جانب سے سندھ کے اخبارات کو نظر انداز کرنے اور ادائیگی میں تاخیر پر تشویش کا اظہار کیا اور مطالبہ کیا کہ پی آئی ڈی کے جاری کردہ اشتہارات کی جلد ادائیگی ممکن بنائی جائے ۔اراکین نے اس امر پر تشویش کا اظہار کیا کہ محکمہ اطلاعات سندھ کی طرف سے اخبارات و جرائد کو اشتہارات کا اجراء طے شدہ حجم کے برعکس کم ترین سطح پر آگیا ہے جبکہ اشتہارات کے اجراء میں اے پی این ایس رکن مطبوعات کو یکسر نظر انداز کیا جارہا ہے ۔ اجلاس نے مطالبہ کیا کہ پرنٹ میڈیا کیلئے اشتہارات کا حجم بڑھایا جائے تاکہ وہ اپنی اشاعت برقرار رکھ سکیں۔ کمیٹی کے اراکین نے نان بجٹڈ اشتہارات کی ادائیگی کے نظام کو مسترد کرتے ہوئے مطالبہ کیا کہ پرانا نظام بحال کیا جائے اور حسب سابق ان اشتہارات کی ادائیگی ماہانہ بنیاد پر محکمہ اطلاعات سندھ کی طرف سے کی جائے ۔ اجلاس نے اس امر پر افسوس کا اظہار کیا کہ محکمہ اطلاعات سند ھ کی طرف سے واجبات کی ادائیگی میں تاخیر سے پرنٹ میڈیا شدید بحران کا شکار ہے۔اجلاس نے مطالبہ کیا کہ واجبات کی ادائیگی جلد از جلد کی جائے۔اجلاس میں سرمد علی صدر، جاوید مہر شمسی چیئرمین ، یونس مہر نائب چیئرمین، ممتاز علی پھلپوٹو، علی بن یونس ، نجم الدین شیخ ، شبیر حسین ، اقبال حسین تنیو، زاہدہ عباسی، قاضی سجاد اکبر، محمد عرفان اور شاہد ساٹی نے شرکت کی۔
اہم خبریں سے مزید