• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھان سید آباد: خسرہ بچاؤ کی ویکسی نیشن ٹیم پر حملہ،ایک خاتون شدید زخمی

آج کا اخبار
اہم خبریں
30 نومبر ، 2025
دادو( نامہ نگار )بھان سید آباد:خسرہ بچائو کی ویکسی نیشن ٹیم پر حملہ،ایکخاتون شدیدزخمی،متاثرہ ویکسی نیٹر کے مطابقملزم نے نہ صرف خاتون ورکر پر سنگین تشدد کیا بلکہ ویکسین کیئر، انجیکشنز اور سیفٹی باکس بھی ضائع کر دیئے۔تفصیلات کے مطابق وزیر اعلی سندھ سید مراد علی شاہ کے آبائی حلقے تحصیل سیہون کے شہر بھان سیدآباد کے قریب گاؤں پیرل پنہور میں خسرہ سے بچاؤ کی ویکسینیشن ٹیم پر مبینہ طور پر نياز پنہور نامی شخص نے حملہ کر دیا، جس کے نتیجے میں خاتون ورکر پری گمبھیر شدید زخمی ہو گئیں۔ حملہ اس وقت کیا گیا جب ٹیم گھر گھر جاکر بچوں کو خسرہ کے حفاظتی ٹیکے لگا رہی تھی۔خاتون کے مطابق اس واقعے کےدوران ملزم نے نہ صرف خاتون ورکر پر سنگین تشدد کیا بلکہ ویکسین کیئر، انجیکشنز اور سیفٹی باکس بھی ضائع کر دیئے۔ زخمی خاتون ورکر نے بتایا کہ وہ معصوم بچوں کو قطرے پلانے اور حفاظتی ٹیکے لگانے پہنچی تھیں کہ ان پر اچانک حملہ کر دیا گیا۔
اہم خبریں سے مزید