• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلاول، عظمیٰ بخاری کی طرح اقتدار میں نہیں آئینگے، شرجیل میمن

آج کا اخبار
اہم خبریں
30 نومبر ، 2025
کراچی ( اسٹاف رپورٹر)سندھ کے سینئر وزیر اور صوبائی وزیر برائے اطلاعات شرجیل انعام میمن نے کہا کہ گورنر کی تبدیلی وفاقی حکومت کا اختیار ہے، یہ کہنا مشکل ہے کہ کس کی شیروانی تیار ہو رہی ہے۔ عظمیٰ بخاری سے گزارش ہے جس طریقے سے آپ اقتدار میں آئے ہیں وہ آپ کو ہی قبول ہو، چیئرمین بلاول بھٹو زرداری اس طرح سے کبھی بھی اقتدار میں نہیں آئیں گے، وہ جب بھی آئیں گے وہ عوام کی سپورٹ اور مینڈیٹ سے ہی اقتدار میں آئیں گے، آپ کی طرح نہیں آئیں گے۔کراچی میں پریس کانفرنس سے خطاب کرتے ہوئے انہوں نے کہا کہ بانی پی ٹی آئی عمران خان پر جیل میں کوئی تشدد نہیں ہو رہا۔وہ تو جیل میں اچھا کھانا کھا رہے ہیں اور تمام سہولتیں میسر ہیں لیکن پی ٹی آئی شروع دن سے ملک کے خلاف سازشیں کر رہی ہے، پاکستان کے دشمن ممالک سے مدد طلب کی جا رہی ہے۔ عمران خان جیل گئے اور ملک کے خلاف سازشیں شروع ہوگئیں، پی ٹی آئی کو مشورہ ہے کہ عدالتوں میں لڑیں ملک اور اداروں کو متنازع نہ بنائیں ۔
اہم خبریں سے مزید